Жұмысшы мамандықтар жылы аясында Еуропалық экономика, бизнес және құқық жоғары колледжінде Қытай Халық Республикасының Бас консулы мырза Го Юй және атташe Цзинь Вэньцзин ханыммен кездесу өтті

Кездесуде жасанды интеллект (AI), ақпараттық технологиялар, бағдарламалық қамтамасыз етуді әзірлеу және тестілеу бағыттарындағы ынтымақтастық мәселелері талқыланды.

Сонымен қатар студенттерге қытай тілін үйрету, Қытай университеттерінде білімді жалғастыру, педагогтар үшін тағылымдамалар мен бірлескен жобалар ұйымдастыру мәселелері көтерілді.

Кездесу жылы, достық және дипломатиялық атмосферада өтті.

Бұл — біздің колледж бен Қытай Халық Республикасының Бас консулдығы арасындағы ұзақ мерзімді әрі нәтижелі серіктестіктің бастамасы деп сенеміз.