2025 жылғы 30 қазанында колледжіміздің базасында студенттер арасында буллингтің алдын алу шаралары тақырыбында түсіндіру кездесуі өтті

Кездесуге Ақтөбе қаласы Полиция басқармасы Жергілікті полиция қызметі бөлімінің аға инспекторы, полиция капитаны Аслан Шынболатұлы Жақсыбаев қатысты.

Іс-шараның мақсаты – студенттердің құқықтық сауаттылығын арттыру, өзара сыйластық пен толеранттылық мәдениетін қалыптастыру, сондай-ақ буллинг пен кибербуллингтің алдын алу.

Кездесу барысында полиция қызметкері буллингтің түрлері, оның заң алдындағы жауапкершілігі туралы түсіндірме жұмыстарын жүргізіп, нақты мысалдар келтірді. Сонымен қатар студенттердің сұрақтарына жауап берілді.

Іс-шара өз мақсатына жетіп, студенттер арасында құқық бұзушылықтың алдын алу бағытында маңызды түсініктер қалыптасты.